Եվա Միքայելյան

ՆՈՐ ՏԱՐՎԱ ԳԻՇԵՐ
Թե աշխարհում փակ դռներ կան, թող որ բացվեն այս գիշեր,
Ու Նոր տարին նոր խնդությամբ թող ներս մտնի այս գիշեր,
Թե կան դատարկ, համր տներ` մանկան ճիչով թող լցվեն,
Ով փնտրում է սրտանց մեկին` հանկարծ գտնի այս գիշեր:
Թե կան լացող, տխուր աչքեր, թող ծիծաղեն այս գիշեր,
Կանչող ձեռքերն իրար հասնեն, հրաշք ապրեն այս գիշեր:
Թե կան սրտեր` չար նախանձով, դառնան բարի ու ներող,
Եվ ուրիշի ուրախ կյանքով խանդավառվեն այս գիշեր:
Թե մոլորված անցորդներ կան, դարձի թող գան այս գիշեր,
Սրբագործված սիրով մտնեն իրենց օջախն այս գիշեր,
Թե կան բախտի փշոտ ճամփեք, թող ծաղկունքով կանաչեն
Ու երջանիկ սպասումով բոլորն արբեն այս գիշեր…
Թե աշխարհում պանդուխտներ կան, թող տուն դառնան այս գիշեր,
Հայրենական հավերժությամբ ողջագուրվեն այս գիշեր:

Վերլուծություն

Այս բանաստեղծությունը նոր տարվա մասին է։ Այն պատմում է, քե ի՞նչ պետք է կատարվի այդ կախարդական գիշերը։ Ինձ շատ դուր եկան այս տողերը`

Թե կան լացող, տխուր աչքեր, թող ծիծաղեն այս գիշեր,
Կանչող ձեռքերն իրար հասնեն, հրաշք ապրեն այս գիշեր:

Առաջին տողը նրա մասին է, որ բոլոր տխուր մարդիկ, որոնք գուցե ունեն շատ խնդիրներ կամ վատ բան է եղել իրենց հետ, թող ուրախանան, ամեն ինչի մասին մոռանան և զվարճանան այդ գիշեր սկսվելով Նոր տարին ժպիտով։ Երկրորդ տողի իմաստը նրանում է, որ յուրաքանչյուր մարդ ով փնտրում է իր հոգուն մոտ մարդուն և փորձում է հասնել նրան, թող գտնի այդ գիշեր և նրանք հրաշք ապրեն։

Աղբյուր