Եվա Միքայելյան

Գարնանամուտ

Քնքշաբույր ծաղկանց հրեղեն խաղով
Ժպտում են նորից անտառ ու ձորակ,
Եվ հեղեղները խոսուն-սառնորակ
Ողջունում են ինձ զվարթ ծիծաղով։

Զուգել ես նորից դաշտ, անտառ ու լեռ,
Գարո՜ւն, ամեն տեղ նոր կյանք ես վառել
Իմ սրտում էլ ես թևերըդ փռել,
Ւմ հոգում էլ ես հրդեհել նոր սեր։

Եվ ահա կրկին զվարթ ու ջահել,
Դուրս ելա տխուր մենության բանտից.
Պայծառ աչքերըդ ողջունում են ինձ,
Եվ ես չեմ կարող իմ ճիչը պահել։

Բացել ես իմ դեմ ոսկեղեն հեռուն,
Ծաղկել ես սարո՛ւմ, անտառո՛ւմ, արտո՛ւմ,
Ուրիշ երգեր են հնչում իմ սրտում —
Ողջո՛ւյն քեզ, արև, ողջո՛ւյն քեզ, գարուն…

1. Քնքշաբույր — քնքուշ

2. Խոսուն — ասող

3. Մենություն — մենակ

4. Զուգել — զարդարել

5. Հեղեղ — Անձրևից կամ ձնհալից գոյացած վարար ջրի արագ ու կատաղի հոսանք, ջրհեղեղ:

6. Հրեղեն — կրակ

Listen to Голос 001.m4a by Եվա Միքայելյան on #SoundCloud
https://soundcloud.app.goo.gl/1HGZL